Ағымдағы жылдың тамыз айында «Ертіс» әлеуметтік-кәсіпкерлік корпорациясы» АҚ кеңсесі жаңа мекен-жайға көшті. Ендіазаматтарды қабылдаудан бастап инвесторлармен келіссөздер жүргізуге дейін барлық қызметШҚО орталығы Өскемен қаласының Қазақстан көшесі, 59/1 мекен-жайы бойынша орналасқан кеңседе атқарылмақ.
Жаңа ғимаратта ұжымға арнап заманауи open-space форматындағы жұмыс орындары жасақталды. Open-space технологиясы жұмыс орнында еркін қозғалу және басқа қызметкерлермен тығыз қарым-қатынас жасау мүмкіндігін көздейді. Жалпы, ашық кеңістіктегі жұмыс орындары демократиялық басқару үлгісін ұстанатын компанияларға сәйкес екені белгілі. Акционерлік Қоғам демократиялық стильге басымдылық беріп, басшылар мен қызметкерлердіңбір кеңістікте отыруын жүзеге асыруда. «Ертіс» ӘКК» АҚ аппарат басшысы-корпоративтік хатшы Ринат Арыстанбектің айтуынша, өңірге инвестиция тарту барысында қызметкерлердің жұмыс орнының, кездесулер мен келіссөздер жүргізетін аумақтың лайықты жабдықталып әрленуі де маңызды рөл атқарады.
Сырт көз сыншы демекші, кәсіпкерлікті дамыту саласының басқа да түрлі ұйымдардағы мамандары, әсіресе, шетелдік инвесторларды өңірге инвестиция салуға тартқымыз келсе өзгені қызықтыру үшін өзіміз лайықты жағдайда қызмет етуіміз керекдейді.
Бүгінгі таңда ұйымдық құрылым бойынша штатта 43 адам қызмет етуде. Көші-қон тәмамдалып, өзгерістерге енді үйренісе бастаған қызметкерлер о баста таңсық жағдай болғанмен, тәжірибе бір кеңістікте жұмыс істеудің тиімділігін көрсетті деп отыр. Не дегенмен, әріптестердің өзара байланысы ұлғайып, бұрынғыдай кабинет пен қабаттар арасында ары-бері сабылу әлдеқайда азайған.
Айта кету керек, Корпорацияда жалпы қызметтің тиімділігі үшін фронт-офис, back-офис үздіксіз жұмыс жасауда. Оның ішінде фронт-офис – тікелей халықпен жұмыс, түйткілді мәселелерді тарқата қарау, азаматтармен біте қайнасып жұмыс жасауды жүзеге асырса, back-офис азаматтармен тікелей қарым-қатынассыз, негізгі өндірістік қызметті атқарады.
Еске сала кетсек, мамандар азаматтарды кез-келген сұрақ бойынша жеке қабылдау түрінде жаңа кеңсе ғимаратының 1-қабатында қабылдайды.
«Ертіс» ӘКК» АҚ баспасөз-қызметі