Несиенің негізгі шарттары:

1) несие мерзімі – 10 (он) жылға дейін;

2) бір жобаға арналған кредиттің ең жоғары сомасы – 5 (бес) миллиард теңгеден аспайды;

3) номиналды сыйақы мөлшерлемесі – жылдық 2,5 (екі жарым) %;

4) кредиттің нысаналы мақсаты – АӨК саласындағы жаңа жобаларды құруға немесе қолданыстағыларды кеңейтуге бағытталған мынадай жобаларды іске асыру:

• тауарлық сүт фермаларын (қуаты 400 бастан бастап 1500 басқа дейін);
• етті бағыттағы құс фабрикаларын (жылына 5000 тонна құс етінен бастап);
• етті мал шаруашылығы кәсіпорындарын (5000 бастан бастап);
• бордақылау алаңдарын (5000 бастан бастап);
• ет өңдеу кәсіпорындарын (қуаттылығы сағатына 8 шартты бастан басталатын);
• сыйымдылығы 10000 ауыл шаруашылығы жануарлары басынан басталатын мал базарларын;
• көкөніс сақтау қоймаларын (1000 тоннадан бастап);
• жеміс сақтау қоймаларын (1000 тоннадан бастап);
• өнеркәсіптік жылыжай шаруашылықтарын;
• жүн мен теріні қоса алғанда, ауыл шаруашылығы өнімдерін терең өңдеу, сондай-ақ құрамажем өндіру кәсіпорындарын;
• өндірістік қуаттылығы жылына 25 тонна болатын аквашаруашылық объектілерін өсіру жөніндегі шаруашылықтарын;
• құс шаруашылығындағы асыл тұқымдық репродукторларды;
• қазіргі заманғы су үнемдеу технологияларын (шашыратып, тамшылатып суару) пайдалана отырып, суармалы егіншілікті (картоп пен көкөністер, азық өндірісі);
• қой өсіру фермаларын (5000 бастан басталатын);

5) кепілмен қамтамасыз етудің болуы;

6) негізгі қарызды өтеу бойынша жеңілдікті кезең 24 (жиырма төрт) айдан аспайды.

АӨК саласындағы жобаларды іріктеудің негізгі өлшемшарттары мыналар болып табылады:

1) әлеуметтік маңызы бар азық-түлік тауарларының импортын алмастыруды ескере отырып, салалық орындылығы;

2) өңір тұрғындарын сапалы және қолжетімді тамақ өнімдерімен қамтамасыз ету;

3) уақытша және тұрақты жұмыс орындарын құру;

4) үміткердің ауыл шаруашылығы өнімін өндіру және (немесе) өңдеу саласында кемінде 5 (бес) жыл жұмыс тәжірибесінің болуы не кәсіпорын басшысының ауыл шаруашылығы өнімін өндіру және (немесе) өңдеу саласында кемінде 5 (бес) жыл еңбек өтілінің болуы;

5) кредиттік есеппен расталған кредиттік және лизингтік міндеттемелер бойынша мерзімі өткен берешектің 90 (тоқсан) күннен артық болмауы;

6) үміткерде берік азықтық базаны қалыптастыру, ауыл шаруашылығы техникасы паркін материалдық-техникалық жарақтандыру үшін ауыл шаруашылығы алқаптарының қажетті алаңының болуы;

7) үміткерде салықтар мен бюджетке төленетін басқа да міндетті төлемдер бойынша мерзімі өткен берешектің болмауы;

8) «Оңалту және банкроттық туралы» Қазақстан Республикасының Заңына сәйкес таратылу, банкроттық, оңалту рәсімдерінің, сондай-ақ қызметінің тоқтатылуының болмауы;

9) қарыз алушы тарапынан жобаның жалпы сомасының кемінде 10%-і мөлшерінде бюджеттік кредит қаражатына қатысы жоқ, тиісті құжаттармен расталған қоса қаржыландыруды қамтамасыз ету;

10) кредит сомасының кемінде 30%-і Қазақстан Республикасы заңнамасының талаптарына сәйкес ресімделген, меншік құқығы мен кепіл мүлкінің бағалау құнын растайтын құжаттары бар жылжымайтын мүлікпен қамтамасыз ету;

11) «Қазақстан Республикасындағы сәулет, қала құрылысы және құрылыс қызметі туралы» Қазақстан Республикасы Заңының 9-1-бабына сәйкес жобаның оң сараптамасының болу (жобаға сараптама алу көзделген жобалар бойынша).

Кепіл мүлкі бойынша өтімділік коэффициенттері:

Агроөнеркәсіптік кешендегі несиелеу ережелеріне сілтеме:
https://adilet.zan.kz/kaz/docs/V2300033364